KOLLIG

Anneline lief vir die lewe op 70

Ná meer as 50 jaar hét sy dit nog. Ons kan nie genoeg van Anneline Kriel kry nie. Haar lang hare is nog net so glansend blond, oë so mooi blou en glimlag so vriendelik soos toe sy in 1974 as Mej. Wêreld gekroon is. Bowenal bly sy plat op die aarde, net ons geliefde Annie.

Van haar glansryke kroning as Mej. Wêreld, deur twee mislukte huwelike en die geboorte van haar twee dogters tot by haar bykans volmaakte eilandlewe op Mauritius saam met haar derde man, Peter Bacon … Anneline Kriel se doen en late bly ons fassineer.

KOLLIG

Skryf is wat Marcel nou wil doen

Hy was tot onlangs in twee bekende sepies te sien: Suidooster en Kelders van Geheime. Maar nou skuif Marcel van Heerden eers voor die rekenaar in om te skryf. Hy glo daaraan om aan te hou beweeg, en dit sluit in om jou kop met werk fiks te hou.

Marcel van Heerden stap stadig en moeisaam die trappe op by die koffiewinkel op die kusdorpie Scarborough in die Kaapse Skiereiland. “Dit het niks met ouderdom te doen nie,” grinnik die 73-jarige akteur. Skaars vyf dae gelede was hy nog in die hospitaal nadat ’n skuifdeur by sy kothuis hier naby op hom geval en ’n rib gebreek het.

AKTUEEL

Watwou opgee! Troef terugslae só

Terugslae tref almal en kan groot finansiële implikasies hê indien jy dalk jou werk verloor of jou eens suksesvolle onderneming op die rotse beland. Kan jy jouself daarop voorberei en hoe verwerk en kom jy deur dié soort verlies? ’n Kenner wat self die pad gestap het, gee raad.

DEUR KARIN DE BEER

Aanhouer wen. Probeer is die beste geweer. Waar ’n wil is, is ’n weg. Sulke gesegdes kan bra hol klink as ellende en teenspoed jou tref, maar dís wat jy sal moet doen. Opstaan en aangaan. Niemand kom jou red nie.

INSPIREER

‘God bloei saam met ons’

Daar is stories wat ons vertel omdat ons wil, en daar is stories wat ons vertel omdat ons moet. Die storie oor die verwonding ná die moorde op Gerhard Pietersen se skoonouers móés net vertel word …

DEUR TRUDIE MYBURGH

Op Saterdag 18 Junie 2016 het Gerhard en Amor Pietersen se wêreld inmekaargetuimel … hul lewe sou nooit weer dieselfde wees nie. Dié middag het spreeus soos trosse swart druiwe in die bome van hul pastorietuin in Houtbaai, Kaapstad, kom sit. Die lowergroen van die blare was onsigbaar. Party voëls het van tak tot tak rondgespring, ander het net gesit en staar. Dit het gelyk soos ’n toneel uit die Hitchcock-film The Birds.

INSPIREER

Vrede van Bo op ’n sinkende skip

Op 4 Augustus 1991 het die grootste seereddingspoging in Suid-Afrikaanse geskiedenis aan die Wildekus plaasgevind toe die passasierskip Oceanos sink. Dit was ’n onbetwiste wonderwerk; meer as 500 mense was aan boord en almal het oorleef. Martin Cloete onthou dit asof dit gister gebeur het.

DEUR UNA NIEUWOUDT

Toe sy beste vriend se suster, wat ’n reisagentskap in Oos-Londen gehad het, hom van die fantastiese aanbod vertel, het Martin Cloete nie twee keer gedink nie. Hy was ’n jong, suksesvolle bourekenaar en geld was nie ’n kwessie nie. Min het hy geweet dié kort avontuur sou in ’n nagmerrie ontaard – sy tweede op stormagtige waters binne ’n jaar.

LEGENDE

One-Take Bettie huppel deur die lewe

Ná meer as vyf dekades in die vermaaklikheidsbedryf het Bettie Kemp steeds net een probeerslag nodig om ’n opname te doen. Maar sy systap die woorde “ikoon” en “legende”. “Ek’s net ’n gewone mens wat in die openbare oog werk en dit so goed as moontlik probeer doen.”

DEUR KARIN BURGER

Sy is heel ingenome met haar bynaam One-Take Bettie. “Ek doen nie twee takes nie. As die kameraman vra of ek reg is, sê ek altyd: “Ek mors nie tyd nie.” Die dag wanneer ek nie meer ’n one take doen nie, sal ek weet dis tyd vir iets anders …”

VERHOUDINGS

‘My kinders het my weggegooi’

Wanneer ouers hul pasgebore baba die eerste keer vashou, is die laaste gedagte wat by hulle opkom waarskynlik dat dié kind hulle jare later sal verwerp. Tog gebeur dit dikwels. ’n Kenner werp lig op die situasie.

DEUR UNA NIEUWOUDT

Die meeste ouers koester drome van geluk, gesondheid en voorspoed vir hul kinders. Hulle glo hul verhouding met hul kinders sal altyd rotsvas staan en dalk selfs verinnig wanneer die kinders volwassenheid bereik. Die gedagte dat hul eie vlees en bloed hulle eendag summier sal verwerp, is so vergesog dat dit dalk nooit eens by hulle opkom nie.

LEEFSTYL

’n Spaanse staptog wat vrede bring

Om die Camino de Santiago te stap was ’n avontuur van eenvoud, stilte en die mooiste natuurskoon … lafenis vir die siel.

DEUR MARINDA ERLANK

Vroegoggend val daar ’n paar druppels en die lug is grys. Maar niks kan die opgewondenheid in my blus nie, ons rugsakke staan reg en my voete jeuk om te begin stap. Voor ons lê sowat 150 km onbekende pad in ’n onbekende land. Ons stap die Camino de Santiago in Spanje, van Tui tot in Santiago – ’n ruspouse in ’n besige lewe. ’n Nuwe avontuur, maar een van eenvoud, stilte en die mooiste natuurskoon.

LESERERVARING

Mooi loop, ou mamma

Soms stuur die Here mense oor jou pad wat ’n groot invloed op jou lewe het, al is die ontmoeting vlugtig en besef jy die impak daarvan eers jare later, skryf Frede Swarts.

Soos die jare aanstap, onthou ek gebeurtenisse en mense wat ek al amper vergeet het. Sommige herinneringe sou ’n mens liefs wou vergeet, vir altyd. En ander wil jy weer met verwondering aan dink. Die herhaalde meeleef van herinneringe bring tog nuwe wysheid en ’n sagter onthou.

ANTOINETTE SÊ

Soete samesyn

Haar suster was nog nie eens by die lughawe op pad terug na Kanada nie, toe begin die verlange al knaag, skryf Antoinette Pienaar.

Baie van ons het geliefdes wat oorsee bly en weet die verlange het nooit genoeg voete om by jou geliefde uit te kom nie. Jy ervaar heeltyd ’n knaende gemis, al kan ’n mens deesdae mekaar se gesigte op fone en computers sien.