KOLLIG

‘Ek is baie bewus van tyd’

Op 74 toor David Kramer steeds met Afrikaans en werk hy tegelykertyd aan drié nuwe musiekprojekte. Want die lewe bly interessant en hy laat hom nie onderkry deur sy gesondheidsuitdaging nie. Ál waarvoor hy onthou wil word, is dat hy ’n storieverteller was.

“Verras jouself. Bly kreatief en daag jouself uit om jou gemaksone te verlaat, om voortdurend iets nuuts te probeer.” Vandag nog is dit sy motto, sê David Kramer, een van ons land se grootste lieflinge in die musiekbedryf.

KOLLIG

Altyd op ’n drafstap

Jy kan kies om ’n vaal afval of kerrie-afval te wees, het Marinda Engelbrecht se ma altyd gesê. Marinda het die kerrie gekies. Dit geld vir haar hele lewe. Want dié kosskrywer en TV-persoonlikheid lewe kleurryk, met oorgawe, en het altyd ’n kop vol planne. Haar kombuis is haar speelplek en verhoog.

As Marinda Engelbrecht soggens wakker word en vir haar man sê: “Bokka, weet jy, ek het vannag gedink …”, dan spot hy altyd: “Moenie, ek wil nie hoor nie!”

AKTUEEL

Só kan Afrikaans sterk bly staan

Afrikaans se blink kant word vanjaar bo gehou met die viering van sy 100ste bestaansjaar as amptelike taal. Dit gaan soms swaar dra al aan die een kant, maar die taal beur voort en van die aftog blaas is daar nie sprake nie, sê dr. Theuns Eloff, voorsitter van Afrikaans Amptelik 100.

DEUR KARIN DE BEER

Kletsbot, awê, lugbraaier, sjoekran, hommeltuig. Bo én onder blink, dis Afrikaans, wat met sulke lekker nuwe woorde as omgangs- én akademiese taal verryk word.

INSPIREER

Gebreekte vlerke kan weer vlieg

Petro Kotze-Odendaal se grootwordjare was traumaties, haar eerste huwelik gewelddadig. Jare lank het sy met woede geloop teenoor almal wat haar seergemaak het. Totdat God haar gewys het die grootste liefdesgebaar is vergifnis – teenoor jouself. Dít het haar vrygemaak.

DEUR SUZETTE TRUTER

Skemeraand is Petro Kotze-Odendaal se gunstelingtyd van die dag. Dan sit sy op haar bidbankie in die tuin op hul kleinhoewe buite Klerksdorp en geniet die rustigheid en ruimte om haar terwyl sy kyk hoe die son sak. “Ek noem dit engeletyd.”

INSPIREER

Blind maar onverskrokke

Renette Bloem is blind gebore, maar dis ’n struikelblok wat sy met wilskrag en deursettingsvermoë oorkom. Sy’s die eerste blinde vrou wat die Twee Oseane- én Comrades-marathon voltooi het, het Suid-Afrika op 48-jarige ouderdom in swem by die Paralimpiese Spele verteenwoordig en is tans druk aan ’t oefen vir haar eerste klavierkonsert.

DEUR KARIN DE BEER

“Kyk, daar’s ’n blinde vrou,” sê ’n medeswemmer verras. En sowaar, daar staan sy, petite en blond met haar gidshond aan die kant van die swembad waar ’n groep mense aërobiese oefeninge in die water doen.

LEGENDE

Lydia hanna-hanna nie … sy góói!

Sy’s dinamies, vurig en vol woema – ook luidkeels en skreeusnaaks. Lydia Winchester is enig in haar soort, ’n tonic vir almal wat haar ken. G’n wonder daar’s al ’n gin na haar vernoem nie …

DEUR TRUDIE MYBURGH

“Boeta, hierdie girl moet ons aanstel, sy’t mooi bene!” het Leon Schuster 40 jaar gelede vir die grootbaas van Decibel Musiek, Boet Pretorius, gesê ná sy onderhoud met Lydia Winchester. Sy kry toe die job as Boet se sekretaresse, vertel Lydia. ’n Maand later, “toe Boet sien ek vat oor”, word sy Decibel se skakelbeampte.

HUMOR

‘Ons gaan 10 minute doen, oom’

Om op ’n kardioloog se trapmeul te moet hardloop is ’n marteling … en van ’n fatsoenlike maagintrekkery is daar g’n sprake nie!

DEUR JOHAN STEMMET

My nuwe heimat, Langebaan, is ’n mekka vir stappers en drawwers. Wanneer laas het jy behoorlik gehardloop? Ek bedoel nou nie vinniger as normaalweg beweeg nie. Ek praat van behoorlik hardloop? Of het daardie berg deesdae te steil geraak?

LEEFSTYL

Stinkafrikanertjies en spinasie –

soos goud op jou werf

Hulle word die langasems van ’n tuin genoem, want spinasie en stinkafrikanertjies weet hoe om aan te hou dra en blom. Hulle is maklike groeiers, eetbaar en so moeitevry dat hulle soms misgekyk word. Maar kyk weer, want hierdie plante is goud werd!

DEUR MARINDA ERLANK

Spinasie en stinkafrikanertjies is staatmakers wat ewe goed in ’n groente- of blomtuin floreer of selfs in potte waar tuinspasie min is. Nou is die perfekte tyd om hierdie langasems te saai en plant.

GESOND

Word ’n naweekatleet

Te veel werk en te min tyd hoef jou nie van oefening te weerhou nie. Navorsing wys mense wat net naweke oefen, kry dieselfde gesondheidsvoordele as diegene wat meer gereeld oefen.

DEUR UNA NIEUWOUDT

Al is jy gedurende die week so oorlaai dat jy nie ’n halfuur per dag vir oefening kan afknyp nie, is dit nie noodwendig ’n verlore saak nie. Om net naweke te oefen is dalk nie ideaal nie, maar dit het talle pluspunte.

ANTOINETTE SÊ

Gooi jou parfuums weg …

Anders as diere, wil mense nie na hulself ruik nie. Waarom dan nie?

DEUR ANTOINETTE PIENAAR

In die beginjare op Theefontein het oom Johannes my eers leer spoorsny voordat hy my aan kruie bekend gestel het. In sy wysheid het hy geweet ek moet net eers ’n ruk die son op my rug voel sodat my ore, oë en neus kan oopgaan vir die besonderse wysheid van Moeder Natuur.