Bruis se Kuieroggend

Bruis verjaar – kom kuier saam!

Om ons verjaardag te vier en ook sommer die lewe en die lente, bied ons ’n heerlike kuieroggend en laatontbyt aan in die skilderagtige Kaapse Wynlande met Amore Bekker, RSG-omroeper, en dr. Liana Roodt, kankerspesialis, as sprekers – en Valiant Swart gaan sing!

Die kaartjies sluit ’n laatontbyt met ’n liplek-lekker spyskaart in – van jogurt en muesli, muffins met kaas en konfyt, tertjies met geroosterde groente en bokmelkkaas, bocconcinistokkies met basiliesous, hoenderrepies, samoesas, ciabatta, kouevleise, piekels, kase, vrugtestokkies en koeksisters tot Belgiese sjokolade, vrugtesap en gin.

Gaste kan ook uitsien na geluksprystrekkings met wonderlike pryse wat gewen kan word – onder meer Ina Paarman-produkte, getekende boeke van Rudie van Rensburg, ’n besonderse keramiekbak van Mervyn Gers, Muratie-wyn en veel meer. Elke gas sal boonop ’n geskenkpakkie vol verrassings kry.